Reposting from Bomboradyo Iloilo website:

GUIMARAS – Nagahulat na sang kopya ang Local Government Unit sang Buenavista, Guimaras bangud tubtob subong wala pa sang sabat ang Maritime Industry Authority sa hingyo ni Buenavista Guimaras Mayor Eugene Reyes sa natabo nga Iloilo Strait Tragedy sang Agosto 3 sa diin 31 ang mga nagkalamatay.

Sa interview sang Bombo Radyo kay Reyes, iya ginpahayag nga nag-email siya kag nagpadala sang sulat sa MARINA kag tubtob subong, wala sa gihapon sang sabat ahensya.

Suno kay Reyes, magluwas kun tani sa imbestigasyon, luyag man sang Guimaras nga makakuha sang rekomendasyon gikan sa ahensya para sa buwas damlag sang probinsya sang Guimaras.

Ginpahayag ni Reyes nga kun wala sang imbestigasyon nga natabo, kun tani ipaathag ini sang MARINA sa publiko.